متدين دين ديون ...اخوان خاين خوّن

                                                          

اتعجب كلما اسمع جمله أن ; الشعب المصرى اكثر شعوب العالم تدينا !! ولا اتعجب عندما اشاهد المتاسلمين فرحين بنتيجه الاستبيانات ....

http://www.gallup.com/poll/114211/Alabamians-Iranians-Common.aspx تدين.فى استبيان لمؤسسه Gallupلمعرفه من هم الامريكيين الاكثر تدينا فى العالم, وعشان يعرفوا مين هم الامريكيين الاكثر تدينا لازم يشوفوا هوا مين الاكثر تدينا فى العالم ويقارنوا النتائج مع بعضها ؛لانه لايوجد شعب متدين 100% -ده حسب ظنهم هما-وده قبل مايقروا كتاب الدراسات الاجتماعيه بتاعنا لان لو قرأوه كان سهل عليهم تكاليف الاستبيان ..بداوا ياخدوا عينات ممثلة في 143 بلدا وإقليم وكان السؤال: إذا كان الدين جزءا هاما من حياتهم اليومية ؟ وكانت النتيجه ان المحروسه جائت فى المركز الاول بنسبه 100%..اى أن نتيجة الاستطلاع اللى سال الناس: هل الدين جزء مهم فى الحياة اليومية ؟ كانت مائة بالمائة .. أى كل اللى جاوبوا جاوبوا بنعم، مع أنهم ألف شخص! لم يوجد  بينهم شخص واحد قال (لا)!!.. إذ الشيطان بس عندنا، هو اللى يقول: لا، فالإنسان لازم يقول (نعم) المصرى يجب أن يقول (نعم) اصله اتعود أن يقولها من أيام الاستفتاء على بقاء الرئيس ، فكانت النتيجة 99,9% (نعم) على التعديلات الكستوريه و(نعم) للاخوان و(نعم) للمرشح الرئاسى اللى هنحس انه هيكسب مش لازم هوا وحش ولا كويس المهم ان هوا ده اللى هيكسب..

اذن الشعب المصرى متدين..

استبيان علمانى تانى عن اكثر البلاد ولمؤاخذه بحثا عن البورنو يعنى "قله الادب" و بالنتايج الجميله اللى فوق دى لازم نشوف مصر تتذيل الترتيب اللى جاى ..امر طبيعى ..ونتفاجئ ب http://www.google.com/trends/?q=sex  ان مصر البلد التالت فى البحث عن البورنو !!
بل ان الاستبيان تطرق لحاجه مهمه جدا وهى الانواع اللى بيعملوا عليها سيرش وتصدرت مصرفى البحث عن bird sex ..اللى يعرف يقولى.. اعتقد انه على الطاير!!

اذا الشعب المصرى متسكسك..

ديون اعتقد أن اللى شافوا نتائج الاستطلاع الاول لاحظوا الارتباط الخفى بين درجة التدين، وحجم الديون وعشان كده لم اندهش لما شوفت فى التقرير أن أقل الشعوب تديناً، هى دول: إستونيا، فرنسا، اليابان، سويسرا .. وهو الأمر الذى لا يرجع، فقط، إلى أنها شعوب غنية ومتقدمة. وإنما لأنها الأقل ديوناً، من بين الشعوب التى جرى عليها الاستطلاع! ومن الجهة المقابلة، جاءت البلد الثانية فى درجة التدين، بعد مصر المحروسة (بنجلاديش) وهى مش بس دولة فقيرة متخلِّفة.. هى كمان  دولة مديونة .
وصحيحٌ أن هناك ارتباطاً بين زيادة التخلف، وزيادة التدين (وليس الدين) ولكن هناك ارتباطٌ أقوى بين التدين والاستدانة ، لأن الاستدانة مهانة، والعجز عن السداد بلاء .. ومع المهانة والبلاء، يكون اللجوء إلى التدين الظاهرى، هو المهرب الوحيد للناس. أملاً منهم فى أن يجدوا فى الآخرة، ما لم يحصلوا عليه فى الدنيا .. فدُنياهم صارت ديوناً، والآخرة لا قروض فيها، ولا عجز عن السداد .

 من اين لكم هذا التدين؟؟ 

دين ..ينبغى علينا أن نفرق بين مفهومى : الدين ، التدين . فالأول هو الأصل الاعتقادى اللى بيمثله فى ثقافتنا (كتاب) عندنا – احنا المسلمين - القرآن و السنة، وعند المسيحيين هوا الإنجيل ، وعنداليهود هوا التوراة والتلمود .. هى دى أصول الدين، أما التدين فشيء آخر ! فهو سلوك اجتماعى، وعقل جمعى ينطلق من الأصل الدينى، لكنه لا يُشترط أن يطابقه 

الاخوان ..او زى ما اسميهم القطيع او المصابون بتلازمه الاخوان لانى منولتش شرف مقابله حد اخوانجى.. يقدر يتوقع تصرف واحد من الجماعه او يقولى منهج هما ماشيين بيه او حد مش شغال ماكينه مبررات كلهم بنفس المبررات –سبحان الله- عاملين زى الزملكاويه لو قابلت واحد زملكاوى فى اسوان يقولك نفس المبررات اللى يقولهالك زملكاوى فى القاهره هى نفسها اللى يقولهالك الزملكاوى فى دمياط ..واشهرها :"بتاخدوا الدورى بالحكام" واشهرها عند اخوانا : "موتوا بغيظكم"!! ..فالارضيه اللى بيعتمد عليها الاخوان وغيرهم من الاحزاب اللى بالمرجعيه الاسلاميه هى اللى كنت بهاتى فيها فوق وهى ان الشعب متدين وان الشعب فى صفهم...لا الشعب يبعكوا فى ثانيه لان الشعب المصرى مش متدين وفى نفس الوقت مش منحل وفى الحاله دى ارد عليه واقوله:"اذ اعجبتهم كثرتهم فلم تغن عنهم من الله شيئا" ..بس المره دى لو الاسلامين فشلوا هتطع اجيال كاره الدين وهتطلع دينكوا وكده تبقى خاين لدينك ووطنك وده اللى نادت بيه الليبراليه "فصل الدين عن السياسه" مش عشان حاجه.. خوفا على الدين  وده اللى حصل قبل عصر الرينيسانس او زى ما بيسموها عصور الظلام لما كانت الثقافه وقف على رجال الدين او الكنيسه و ديولهم او عندنا هنا "الجماعه" ، هما اللى يحددوا إزاى الناس تفكر و تعيش و فى إيه يفكروا و عشان إيه يعيشوا، و حتى بأى لغه يكتبوا، و اللى كان يخرج عن الخط اللى رسموه رجال الدين و أتباعهم كان بيتهم بالكفر و الهرطقه و تتسؤ سمعته و تتعمله محاكمات و يتعذب كمان حرم رجال الدين و توابعهم إستخدام اللغات الاخرى فى الكتابه لإنهم ربطوا بين المسيحيه و اللغه اللاتينيه. و بقت الكتابه باللغات الاخرى من المحرمات اللى لازم تتحارب و اللى يحاول إستخدام لغته المحليه اللي بيتكلم بيها بدل اللاتينى فى الكتابه كان بيعتبر مارق كافر معتدى على الدين. واكيد الموقف ده مبفكرناش خالص بنائب حزب النور محمد الكردى

يقول المفكر سلامه موسى فيما معناه : إذا كنت عايز تلخص لنفسك معنى الإنحطاط فى القرون المظلمه، و إزاى الذهن البشرى هجر الفلسفه اليونانيه و الهندسه الاقليديه و النزعه الصناعيه فى روما للدين و الغيبيات فى صوامع رجال الدين، فاعرف إن المعنى بينحصر فى إن الثقافه بقت بتخدم شئون العالم الأخر بدل ما تخدم الإنسان على كوكب الأرض

خوّن ..كلمه مفسره نفسها ..      

م الاخر :الدين لله و مصر للجميع