Birdman

Birdman .. كوميدىا سوداء ممزوجه ببعض التنظير, الفيلم له نقاط قوه عديده من أهمها الممثلين, بالرغم من ان العمل واضح فيه الشغل التقنى من المخرج Alejandro González Iñárritu  والمشارك فى طاقم الكتابه أو من السينماتوجرافر Emmanuel Lubezki واالى هنتطرق لاسهامهم فى انجاح الفيلم فيما بعد. الا ان اداء Michael Keaton  الرفيع أرتقى بالفيلم.  شخصيه Keaton من الواضح انها قربيه جدا من شخصيته فى الفيلم ولذلك كنت هتلاقيه بيتنقل مابين المشاهد اللى فيها غرور او ضعف او بهجه بنفس الحرفيه. أداء جيد لEdward Norton   فى دور جديد. أفضل أداء ل Emma Stone  وZach Galifianakis  الى الان.

 Birdman  ليس كوميدى بالقالب الأمريكى المعتاد, الناس اللى كانت متوقعه فيلم كوميدى من أفلام ويل فيريل مش هيعجبها. الفيلم دسم بدون حشو, كل شئ فى موضعه. هيعجب الناس اللى بتبص للكوميديا بمنظور هجائى بس مهم جدا انه مش بتقل دم. الفيلم بيناقش ابعاد كتير: الغرور, الفن, المرض الشهره ,الوهم . تقدر برضو تعتبره فانتازيا!

Birdman  من الناحيه التقنيه فهو علامه فنيه للسينماتوجرافر العظيم Emmanuel Lubezki واللى كان مشارك فى فيلم children of men و فيلم . The tree of lifeواخيرا حاز على الاوسكار فى فيلم Gravity سنه 2014 .ف Lubezki  عنده المهاره فى انه يظهرلك الفيلم اى كان مدته انه متصور فى شوت واحد. الموضوع مش سهل على حد معلوماتى وبالاخص فى افلام الكوميديا ولكنه أضاف حميمه وحيويه للكادرات ,الموضوع مكانش صعب على قد ما كان مخاطره . ولا تندهش لما تعرف ان  الفيلم مرشح لجوائز أحسن اخراج و سينماتوجرافى فى مهرجانات مهمه Oscars, Golden Globe, BAFTA Venice, Film Festival والاهم انها مدارس مختلفه.

بالنسبه للكتابه فالورشه المكونه من , Iñárritu Giacobone, Dinelaris, Bo    نجحت فى انها توصل بالسكريبت للبساطه التامه بذكاء رغم ان بعض الحوارات تشمل كميه من المعلومات ليست بالقليله من غير ما تشعر بالملل او التوهان.المزيكا وهى الجندى المجهول فى الفيلم تضيف بعد غير مرئى للاحداث بدون تكلف. فقط الدرمز.

لاتوجد كلمات يمكن ان تصف الحراره اللى بينقلهالك الفيلم من خلال سكريبت دقيق, أداء قوى , تقنيات المستغله فنيا. فيلم لاينتمى الى الأيدولوجيه الهوليوديه.

  8.1/10